გერმანიაში სეზონურ სამუშაოებზე დასაქმების მსურველებთან შეხვედრა გაიმართა

დასაქმების ხელშეწყობის სახელმწიფო სააგენტოს შრომითი მიგრაციის დეპარტამენტის თანამშრომლები შეხვედრებს ლანჩხუთში მართავენ. ისინი გერმანიაში სეზონურ სამუშაოებზე დასაქმების მსურველ კანდიდატებს შეხვდნენ, რომლებიც შერჩევის შემდეგ ეტაპზე გადავიდნენ.
აღნიშნული შეხვედრის მიზანია, კანდიდატებს უფრო დეტალურად გააცნონ, თუ რას გულისხმობს გერმანიაში სოფლის მეურნეობის სექტორში დროებითი, ლეგალური დასაქმების შესაძლებლობა.
შეხვედრის განმავლობაში, ასევე განხილული იქნა შემდეგი ძირითადი საკითხები:
● ცირკულარული შრომითი მიგრაციის დადებითი მხარეები;
● რა შედეგები მოყვება შენგენის სივრცის წესების დარღვევას/ქვეყანაში არალეგალურად დარჩენას (მაგ: დეპორტი, ფულადი ჯარიმა, შენგენის ზონაში შესვლის აკრძალვა 5 წლით და სხვა);
● აპლიკანტებს კიდევ ერთხელ ეცნობათ, რომ ისინი შერჩევის შემდეგ ეტაპზე მოხვდნენ და საბოლოო შერჩევისთვის, რომელ კრიტერიუმებს უნდა აკმაყოფილებდნენ (სასურველია უცხო ენის ცოდნა და სოფლის მეურნეობის სფეროში გამოცდილება და მოტივაცია) და რა საჭირო ცნობებს/საბუთებს უნდა ფლობდნენ (ნასამართლეობის შესახებ ცნობა, სოციალური დაზღვევის გადასახადისგან გათავისუფლების ფორმა და ა.შ.)
● მიეწოდათ ინფორმაცია კონკრეტული ვაკანსიების შესახებ;