ა(ა)იპ ,,თანამონაწილეობისა და ჩართულობის ცენტრი „სიპისი“, ინოვაციებისა და რეფორმების ცენტრის (IRC), მხარდაჭერით ახორციელებს პროექტს -,,საჯარო სერვისების დიზაინისა და სიმწიფის შეფასება ლანჩხუთის, ოზურგეთისა და ჩოხატაურის მუნიციპალიტეტებში“.ლანჩხუთის მერის მოადგილე, ეკატერინე გუჯაბიძე საჯარო მმართველობის ექსპერტსა და დოქტორს ზურაბ ნასარაიას, საჯარო სტრატეგიული რეფორმების ცენტრის მკვლევარ-ექსპერტს ნანა თავდუმაძეს შეხვდა. სტუმრებმა ვრცლად ისაუბრეს და განიხილეს პროექტის მიზნები და ამოცანები.
როგორც შეხვედრაზე აღინიშნა, პროექტის მიზანია, გურიის რეგიონის სამივე მუნიციპალიტეტის საჯარო სერვისების დიზაინისა და მიწოდების სიმწიფის შეფასება, შესაბამისი გამოკითხვების ჩატარება, საჯარო სექტორის ანგარიშვალდებულების გაზრდა – ადგილობრივ თვითმმართველ ორგანოში საჯარო სერვისის ეფექტურად შემუშავებისა და მიწოდების პროცესის ხელშეწყობის გზით.
ამავე დროს, პროექტის განხორციელება უზრუნველყოფს ინკლუზიური, მოქალაქეებზე ორიენტირებული, ადგილობრივი მმართველობის გაუმჯობესებას.
