ლანჩხუთის მერის ახალგაზრდულ საბჭოს თავმჯდომარე 17 წლის სალომე გეგიძეა. სალომემ 2021 წელს წარმატებით დაასრულა აკეთის საჯარო სკოლა და სწავლას აგრძელებს შოთა რუსთაველის სახელმწიფო უნივერსიტეტში, ჰუმანიტარულ მეცნიერებათა ფაკულტეტზე, ისტორიის მიმართულებით. სალომე არაერთ პროექტში აქტიურად იყო ჩართული. ის ამჟამად მონაწილეობს ამერიკის საელჩოს მიერ ორგანიზებულ კონკურსში ,,ამერიკული წიგნის თარო“. ლანჩხუთის ახალგაზრდული საბჭოს თავმჯდომარის მოადგილე ხმათა უმრავლესობით 23 წლის მიხეილ სურგულაძე გახდა. მიხეილი პროფესიით ფილოლოგია, ქრისტიანული ფილოსოფიის მაგისტრანტი.
ნიგვზიანისა და წყალწმინდის საჯარო სკოლების ქართული ენისა და ლიტერატურის მასწავლებელია. მისი აზრით, ლანჩხუთის მერის ახალგაზრდული საბჭოს ერთ-ერთი მისია და მიზანი, მუნიციპალიტეტში ახალგაზრდული სულისკვეთების გაღვივება და მათი საღი აზრის, მოსაზრებების ადგილობრივი ხელისუფლებისთვის გაზიარებაა. მერის მრჩეველთა საბჭო ლანჩხუთის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის ორგანიზებითა და მხარდაჭერით შეიქმნა.
მრჩეველთა საბჭოს მიზანი და ფუნქციაა ახალგაზრდული პოლიტიკის შემუშავება. საზოგადოებრივ, ეკონომიკურ და პოლიტიკურ ცხოვრებაში ახალგაზრდების აქტიური ჩართვის შესაძლებლობა. სამოქალაქო უფლებებისა და ვალდებულებების შესახებ ახალგაზრდების ცოდნის ამაღლება და სპეციალური საჭიროების მქონე ახალგაზრდების მხარდაჭერა.
