სკრინინგის პროგრამების ეფექტურობის გაზრდის საერთაშორისო პროექტის (Horizon 2020) სამუშაო შეხვედრის ფარგლებში, კლინიკური ონკოლოგიის საქართველოს საზოგადოების თავმჯდომარე რემა ღვამიჩავა ევროპის 12 ქვეყნის წამყვან ექსპერტებთან ერთად ლანჩხუთში იმყოფებოდა. სტუმრები ლანჩხუთის მერს ალექსანდრე სარიშვილს შეხვდნენ.
აღნიშნული პროექტის ფარგლებში ლანჩხუთში სკრინინგ ცენტრი აშენდა.
სტუმრებმა ადგილზე დაათვალიერეს სამედიცინო დაწესებულება, რომელიც სოფელ შუხუთში მდებარეობს.
_ ჩვენთვის მნიშვნელოვანია აღნიშნული ცენტრის აშენება ლანჩხუთში. სკრინინგ ცენტრი უახლოეს პერიოდში დაიწყებს ფუნქციონირებას. პაციენტებს ადგილზე შეეძლებათ სათანადო კვლევებისა და კონსულტაციების ჩატარება. მინდა მადლობა გადაგიხადოთ თქვენ მხარდაჭერისთვის – აღნიშნა ლანჩხუთის მერმა.
შეხვედრას მერის მოადგილე ეკატერინე გუჯაბიძე და საკრებულოს თავმჯდომარე ბესიკ ტაბიძე ესწრებოდნენ.
