ლანჩხუთში, სოფელ მაჩხვარეთის მკვიდრი, გოჩა ურუშაძე, რომელიც დღემდე თბილისში ცხოვრობდა, მშობლიურ მუნიციპალიტეტს დაუბრუნდა და ფერმერულ მეურნეობას მიჰყო ხელი, რისთვისაც სახელმწიფო შეღავათიანი აგროკრედიტით დაეხმარა. ლანჩხუთის მუნიციპალიტეტის მერმა, ალექსანდრე სარიშვილმა და საკრებულოს თავმჯდომარე ბესიკ ტაბიძემ, მერისაა და საკრებულოს სხვა წარმომადგენლებთან ერთად ადგილზე დაათვალიერეს გოჩა ურუშაძის ფერმა. “სამომავლოდ ფერმის კიდევ უფრო გაფართოებას ვაპირებ, ვგეგმავ სატბორე მეურნეობის დაწყებას და თევზის, კერძოდ ლოქოს მოშენებას. სახელმწიფო შეღავათიანი აგროკრედიტით დამეხმარა, თუმცა საკმარისი არაა და იმედი მაქვს, რომ კიდევ მივიღებ სახელმწიფოსგან დახმარებას” – გვითხრა საუბრისას გოჩა ურუშაძემ. “ბატონმა გოჩამ მიიღო იაფი აგროკრედიტი, თუმცა საკმარისი არაა. ვთვლი, რომ სახელმწიფომ სწორედ ასეთ ადამიანებს უნდა შეუწყოს ხელი და მათ მაქსიმალურად უნდა დავეხმაროთ, რომ ყველა გეგმა განახორციელოს” – აღნიშნა ალექსანდრე სარიშვილმა. ამ ეტაპისათვის გოჩა ურუშაძეს ფერმაზე ხუთი ადამიანი ჰყავს დასაქმებული და სამომავლო პერსპექტივაში დასაქმებულთა ზრდაც იგეგმება.
