მუნიციპალიტეტის საკრებულოს წევრები, რეგლამენტით განსაზღვრული უფლებამოსილების ფარგლებში ამომრჩეველთან შეხვედრებს მართავენ.
შეხვედრების მიზანია მოსახლეობის ინფორმირებულობის გაზრდა, საჭიროებათა გამოვლენა და გადაწყვეტილების მიღების პროცესში მაქსიმალური ჩართულობა.
28 ივნისს, სუფსის ადმინისტრაციულ ერთეულში საკრებულოს წევრების ბესიკ კუპრაძისა და სუფის მაჟორიტარის ზურაბ კუკულავას წლიური ანგარიშების შეჯამება გაიმართა.
შეხვედრას საკრებულოს თავმჯდომარე ბესიკ ტაბიძე და მოადგილე-ვლადიმერ ნანაძე ესწრებოდნენ.
საკრებულოს წევრებმა საანგარიშო პერიოდში მიღებულ სამართლებრივ აქტებზე გაამახვილეს ყურადღება და სოფლებში შესრულებულ პროექტებზე დეტალური ინფორმაცია მიაწოდეს ამომრჩეველს.
როგორც აღნიშნეს აქტიურად იყვნენ ჩართული, რომ სუფსაში განხორციელებულიყო შემდეგი ინფრასტრუქტურული პროექტები.
საანგარიშო პერიდოში განხორციელდა ადმინისტრაციული ერთეულის გაზიფიცირება, ახალსოფელში მოეწყო რკინა-ბეტონის ხიდი, სანიაღვრე არხები გაიწმინდა ზდანიების უბნის მიმდებარედ.
სოფლის მხარდაჭერის პროგრამის ფარგლებში განსახორციელებელ პროექტებზე გაამახვილეს ყურადღება. სუფსას 92 ათასი ლარი გამოეყო, რომელიც მოსახლეობის ინტერესების გათვალისწინებით დაიხარჯება. ახალსოფელში, ტაბანათსა და სუფსის ცენტრში მოეწყო გარე განათება, ასევე რეაბილიტაცია ჩაუტარდება სოფლის ცენტრში სკვერს, სოფელ გრიგლეთსა და მალთაყვაში იგეგმებვა საერთო სასაფლაოს ტერიტორიის შემოღობვა, ჩქუნში სასაფლაოსთან მისასვლელ გზას ჩაუტარდება რეაბილიტაცია, ხოლო ხიდმაღალაში -მოწყობა შიდა გზები.
ისაუბრეს სოფლის ძირითად პრობლემებზე და სამომავლო გეგმებზე, რომლებიც ძირითადად სოფელში ინფრასტრუქტურული სამუშაოების განხორციელებას ეხება:
-წელს, მუნიციპალური ფონდის მხარდაჭერით დაიწყება სუფსაში საბავშვო ბაღის მშენებლობა. ოთხჯგუფიანი შენობა ყველა თანამედროვე სტანდარტს და მოთხოვნას დააკმაყოფილებს.
-საგანგებო სიტუაციების მართვის სამსახურის უშუალო გადაწყვეტილებით, სუფსაში აშენდება ამბულატორია.
-რეგიონალური ფონდის გადაწყვეტილებით დაწყებულია წყლის სისტემის მოწყობა და გამრიცხველიანება, სასმელი წყალით 47 ოჯახი იქნება უზრუნველყოფილი.
თუმცა, სუფსაში მაინც მწვავედ დგას წყლის პრობლემა. გაირკვა სოფლის უმეტეს ნაწილს უწყლობა აწუხებს, ვინაიდან დებეტი დაბალია და მილებიც დაიზანებული.
პრობლემურია შიდა გზების საკითხი უნაგირას უბანში და სუფსა-ღემაღელის დამაკავშირებელ მონაკვეთზე. საკრებულოს თავმჯდომარის განცხადებით, ღრმაღელესთან დამაკავშირებელი გზის რეაბილიტაცია მუნიციპალური სახსრებით შეუძლებელია. პროექტი უკვე მომზადებულია. მუნიციპალიტეტი აწარმოებს მოლაპარაკებებს საქართველოს რეგიონული განვითარებისა და ინფრასტრუქტურის სამინისტროსთან აღნიშნულ საკითხზე შესაძლო დახმარების მიღების თაობაზე.
შეხვედრა კითხვა-პასუხის რეჟიმში წარიმართა. საკრებულოს წევრების საქმიანობა დამაკმაყოფილებლად შეფასდა.
სრულად ანგარიშის ტექსტური მასალა იხილეთ მუნიციპალიტეტის ვებ გვერდზე www.lanchkhuti.gov.ge
