ლანჩხუთში სასკოლო სპორტული ოლიმპიადა დაიწყო.
ოლიმპიადაზე წუთიერი დუმილით პატივი მიაგეს გურიაში სტიქიის შედეგად გარდაცვლილების ხსოვნას.
შეჯიბრი გარბენში ჩატარდა. ბიჭებს შორის, პირველ ადგილზე ლესის, მეორეზე- ნიგოითის, ხოლო მესამეზე სასულიერო გიმნაზიის მოსწავლეები გავიდნენ.
გოგონებს შორის პირველი ადგილი ჭანჭათის, მეორე – წყალწმინდის, ხოლო მესამე ადგილი ლესისა და სუფსის საჯარო სკოლის მოსწავლეებმა დაიკავეს.
ღონისძიებას ლანჩხუთის მერის პირველი მოადგილე ეკატერინე გუჯაბიძე, რესურს ცენტრის ხელმძღვანელი ნინო ჩიტაძე და საკრებულოს დეპუტატები დაესწრნენ.
ოლიმპიადა მერიის განათლების, კულტურის, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის ორგანიზებით ჩატარდა.
