ლანჩხუთის მუნიციპალიტეტის მერია აცხადებს შემოქმედებით კონკურსს – ,,მთიები“.
კონკურსში მონაწილეობა შეუძლიათ 14 -29 წლამდე ახალგაზრდებს.
კონკურსის თემა გახლავთ “დედა და ქალი”.კონკურსის მიზანია ხელი შეუწყოს ნიჭიერი ახალგაზრდების გამოვლენას და მათ პოპულარიზაციას.კონკურსში მონაწილეობის მისაღებად საჭიროა ავტორებმა წარმოადგინონ ინტერნეტსივრცესა და ბეჭდურ მედიაში გამოუქვეყნებელი ერთი ლექსი ან ერთი მოთხრობა/ჩანახატი, რომლის მოცულობა არ უნდა აღემატებოდეს 2 (ორ) გვერდს. კონკურსანტებმა მასალები უნდა გამოაგზავნონ შემდეგ მისამართზე: MTIEBI2021@gmail.comკონკურსის ორგანიზატორია ლანჩხუთის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახური.
პროექტის მხარდამჭერები არიან: ლანჩხუთის მუნიციპალიტეტის მერია, გურიის მაჟორიტარი დეპუტატი საქართველოს პარლამენტში ვასილ ჩიგოგიძე, მუნიციპალიტეტში გამომავალი გაზეთები: “გურია თუდეი”, “ჰო და არა”, “ლანჩხუთი პლუსი” და “ლანჩხუთის მოამბე“.
გამარჯვებულს გამოავლენს კომპეტენტური ჟიური, რომლისთვისაც კონკურსის დღემდე ავტორების ვინაობა ცნობილი არ იქნება.
კონკურსში გამარჯვებულ ავტორებს გადაეცემათ საპატიო სიგელი და ფულადი ჯილდო: I ადგილი – 300 ლარი, II ადგილი – 200 ლარი და III ადგილი – 100 ლარი.
საკონკურსო განაცხადები მიიღება ონლაინ რეჟიმში, ზემოაღნიშნულ მისამართზე, 23 თებერვლიდან 8 მარტის ჩათვლით, შემდეგი ფორმატის გათვალისწინებით: Word- ის დოკუმენტით, ქართულ ენაზე, შრიფტის ზომა 12, Sylfaen. ნამუშევარს თან უნდა ერთვოდეს კონკურსის მონაწილის სახელი, გვარი, დაბადების თარიღი, საკონტაქტო ინფორმაცია (ტელ. ნომერი; ელ.ფოსტა).
გამარჯვებულების გამოვლენა მოხდება საკონკურსო ნამუშევრების მიღების დასრულებიდან ერთი კვირის ვადაში.
