ლანჩხუთის მუნიციპალიტეტის საკრებულოს სივრცით-ტერიტორიული დაგეგმარებისა და ინფრასტრუქტურის კომისიამ, მუნიციპალიტეტში სოფლის მხარდაჭერის პროგრამით 2019 წელს დასაფინანსებელი პროექტების ნუსხა დაამტკიცა და სტიქიის პრევენციის მიზნით 2019 წელს განსახორციელებელი პროექტებიც მოიწონა.
მერიის მიერ წარმოდგენილი პროექტის მიხედვით, სოფლის მხარდაჭერის პროგრამის ფარგლებში, მუნიციპალიტეტის მასშტაბით 55 პროექტის განხორციელება იგეგმება, რომლის საერთო ღირებულება 748000 ლარია.
პროექტების უმეტესობა გარე განათების მოწყობას, შიდა გზებისა და სანიაღვრე არხების მოწესრიგებას მოიცავს.
რაც შეეხება სტიქიის პრევენციის მიზნით 2019 წელს განსახორციელებელ პროექტებს, ქ. ლანჩხუთში მარჯანიშვილის, გოგიჩაიშვილისა და ურუშაძის ქუჩებზე რკინა-ბეტონის სანიაღვრე არხები მოეწყობა. სამუშაოების ღირებულება 536 993 ლარს შეადგენს.
