ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
ბიუროს სხდომას მუნიციპალიტეტის მერი ალექსანდრე სარიშვილი ესწრებოდა.
სხდომაზე განხილულ იქნა შემდეგი საკითხები:
1. „ლანჩხუთის მუნიციპალიტეტის 2022 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2021 წლის 25 ნოემბრის N26 დადგენილებაში ცვლილების შეტანის თაობაზე“, რომელიც ბიუროს წევრებს საფინანსო-საბიუჯეტო სამსახურის უფროსმა როლანდ ლაშხიამ გააცნო. http://lanchkhuti.gov.ge/?p=11237
2. „ლანჩხუთის მუნიციპალიტეტის საკუთრებაში არსებული უძრავი ქონების ა(ა)იპ ,,ოდა-ქეარისთვის“ პირდაპირი განკარგვის წესით, სარგებლობის უფლებით, უსასყიდლოდ გადაცემაზე მერისათვის თანხმობის მიცემის შესახებ“, რომელზეც მერიის ქონების მართვისა და სოფლის მეურნეობის სამსახურის უფროსის მოვალეობის შემსრულებელმა ომარ ჯანაძემ ისაუბრა. http://lanchkhuti.gov.ge/?p=11305
მერიის ქონების მართვისა და სოფლის მეურნეობის სამსახურის უფროსის მოვალეობის შემსრულებელმა ომარ ჯანაძემ ბიუროს ასევე წარადგინა: „ლანჩხუთის მუნიციპალიტეტის საკუთრებაში არსებული ქონების, პირდაპირი განკარგვის წესით, სასყიდლიანი სარგებლობის უფლებით გადაცემაზე მერისათვის თანხმობის მიცემის შესახებ“ ლანჩხუთის მუნიციპალიტეტის საკრებულოს განკარგულების პროექტი. http://lanchkhuti.gov.ge/?p=11311
ბიუროს წევრებმა წარმოდგენილ საკითხებს უმრავლესობით მხარი დაუჭირა.
ბიუროს სხდომაზე ლანჩხუთის მუნიციპალიტეტის 2022 წლის ბიუჯეტის მე-II კვარტლის შესრულების (http://lanchkhuti.gov.ge/?p=11280) და ლანჩხუთის მუნიციპალიტეტის 2022 წლის ბიუჯეტის ივლისის თვის შესრულების ანგარიშები (http://lanchkhuti.gov.ge/?p=11308), რომლებიც საფინანსო-საბიუჯეტო სამსახურის უფროსმა როლანდ ლაშხიამ წარმოადგინა.
ბიუროს სხდომაზე ასევე მოისმინეს ა(ა)იპ „ლანჩხუთის მუნიციპალიტეტის სახელოვნებო სკოლათა გაერთიანების“ 2019-21 წლების შიდა აუდიტორული ანგარიში, რომელიც ბიუროს წევრებს მერიის შიდა აუდიტის სამსახურის უფროსმა მამუკა ვადაჭკორიამ გააცნო. http://lanchkhuti.gov.ge/?p=11339
ძირითადი საკითხების დასრულების შემდეგ ბიუროს წევრებმა მუნიციპალიტეტში არსებული სხვადასხვა მნიშვნელოვანი საკითხებზე ისაუბრეს.
ბიუროს გადაწყვეტილებით, საკრებულოს სხდომის თარიღად განისაზღვრა 2022 წლის 29 აგვისტოს 12.00 საათი.
