ლანჩხუთის მუნიციპალიტეტის მერმა ალექსანდრე სარიშვილმა მოადგილე თორნიკე ტიკაძესთან და ა(ა)იპ ,,კეთილმოწყობის და მომსახურების ცენტრის“ ხელმძღვანელ გოჩა მოქიასთან ერთად ამავე სამსახურის დასუფთავების, გარე განათებისა და გამწვანების განყოფილებების თანამშრომლებს საჭირო აღჭურვილობა გადასცა.
-დღეს ,,კეთილმოწყობისა და მომსახურების ცენტრის“ 150-მდე თანამშრომელს უნიფორმები გადავეცით. ეს ადამიანები ყველაფერს აკეთებენ და ზრუნავენ ჩვენი ქალაქის სისუფთავესა და წესრიგზე. მინდა მადლობა გადავუხადო მათ ამისთვის – აღნიშნა ლანჩხუთის მერმა ალექსანდრე სარიშვილმა.
