დღეს მართლმადიდებლური ეკლესია ყოვლადწმინდა ღვთისმშობლის შობის დღესასწაულს აღნიშნავს.ამ დღეს მომლოცველები ყველაზე მეტად სამება-ჯიხეთის დედათა მონასტერს სტუმრობენ.
სადღესასწაულო წირვა არქიმანდრიტმა ანდრიამ (კბილაშვილი) აღავლინა.
წირვას ლანჩხუთის მუნიციპალიტეტის მერი, ალექსანდრე სარიშვილი და საკრებულოს თავმჯდომარე, ბესიკ ტაბიძე ადგილობრივი ხელისუფლების სხვა წევრებთან ერთად დაესწრნენ.
ყოვლადწმიდა ღვთისმშობლის შობის ხსენება უძველესი დროიდან, როგორც მართლმადიდებელი ეკლესიის დღესასწაული, ჯერ კიდევ IV საუკუნეში დადგინდა. მოციქულთასწორმა ელენემ ღვთისმშობლის შობის სახელზე აღმართა ტაძარი; ეს დიდი, საყოველთაო, ათორმეტთაგანი დღესასწაული 21 სექტემბერს აღესრულება. ეს არის განუყოფელი სიხარულის დღესასწაული, რადგან ღვთისმშობლისაგან ადამიანთა მთელი მოდგმა განახლდა.
