ლანჩხუთის ქალთა მხარდაჭერის ცენტრის მცირე პროექტის ფარგლებში აქტიური მუშაობა განხორციელდება ლანჩხუთის მუნიციპალიტეტის საბავშვო ბაღებში.
ამის შესახებ ინფორმაცია ლანჩხუთის მუნიციპალიტეტის საკრებულოს გენდერული თანასწორობის საბჭოს წევრებს ,,ფონდი სოხუმის“ წარმომადგენელმა ნონა მურვანიძემ გააცნო.
პროექტის – „ჰარმონიული გარემო პატარებისთვის“ მიზანია, საბავშვო ბაღების აღმზრდელებისა და აღსაზრდელთა მშობლების ინფორმირება ძალადობისა და ბულინგის თემაზე. მათი ჩართულობის უზრუნველყოფა ფაქტების პრევენციაში ძალადობაზე რეაგირების ჯგუფი შექმნის გზით. ასევე პროექტი ხელს შეუწყობს კომუნიკაციის გაუმჯობესებას სკოლამდელ დაწესებულების პერსონალს, მშობლებსა და რეფერალური მექანიზმის სუბიექტებს შორის.
იანვარში ჩატარდა საინფორმაციო შეხვედრები გენდერული თანასწორობის საბჭოს წევრებთან, მერის მოადგილესთან და სოციალური სამსახურის ხელმძღვანელთან. რომლებიც აქტიურად იქნებიან ჩართულები პროექტის განხორციელებაში.
