ქალთა მიმართ და ოჯახში ძალადობის წინააღმდეგ მიმართულ 16 დღიანი კამპანიის ფარგლებში ლანჩხუთის მუნიციპალიტეტის მერიის გენდერულ საკითხებში სპეციალისტის ნათია აფხაზავას ორგანიზებით ვ. ბარამიძის სახელობის სამხატვრო სკოლაში ღონისძიება გაიმართა. სკოლის აღსაზრდელებმა ,,არა ძალადობას!” სლოგანის ფარგლებში ნამუშევრები შექმნეს. თავიანთი ნააზრევი ნახატების სახით გადმოიტანეს ფურცლებზე.
,,ქალთა მიმართ ძალადობის წინააღმდეგ ყველა ერთად უნდა გავერთიანდეთ. საზოგადოებამ კარგად უნდა გააცნობიეროს პასუხისმგებლობა და ყველაფერი უნდა გავაკეთოთ ადამიანის უფლებების დასაცავად” – აღნიშნა ლანჩხუთის მერის მოადგილე ეკატერინე გუჯაბიძემ.დამსწრე საზოგადოებას ფლაერები გადაეცა.გენდერული ძალადობის წინააღმდეგ მიმდინარე 16 დღიანი კამპანია მსოფლიოში 1991 წლიდან იმართება. კამპანია 25 ნოემბერს, ქალთა მიმართ ძალადობის წინაადეგ ბრძოლის საერთაშორისო დღეს დაიწყო და 10 დეკემბერს, ადამიანის უფლებათა დაცვის საერთაშორისო დღეს დასრულდება.
