ლანჩხუთის მუნიციპალიტეტის მერია აცხადებს შემოქმედებით კონკურსს ,,მთიები“

26 მაისს  საქართველოს დამოუკიდებლობის დღესთან დაკავშირებით, ლანჩხუთის მუნიციპალიტეტის მერია აცხადებს შემოქმედებით კონკურსს ლიტერატურასა და მხატვრობაში  თემაზე    – ,, ჩემი ხატია სამშობლო, სახატე მთელი ქვეყანა!“

კონკურსში მონაწილეობა შეეძლებათ  14-29 წლამდე,  ლანჩხუთის მუნიციპალიტეტში მცხოვრებ ახალგაზრდებს.

კონკურსის მიზანია ხელი შეეწყოს, შემოქმედებითი ნიჭით დაჯილდოებული, ნიჭიერი ახალგაზრდების გამოვლენასა და მათ პოპულარიზაციას;

კონკურსი ჩატარდება :

პროზა (ნოველა, ჩანახატი, მოთხრობა);

 პოეზია (ლექსი,პოემა);

მხატვრობა (ფერწერა);

კონკურსანტებმა მასალები უნდა გამოგზავნონ ელექტრონულად

შემდეგ მისამართზე: mtiebi2021@gmail.com

გამარჯვებულს გამოავლენს კომპეტენტური ჟიური.

კონკურსში გამარჯვებულ ავტორებს გადაეცემათ  პრიზები  და ფულადი ჯილდო:

 I ადგილი – 300 ლარი

II ადგილი – 200 ლარი

III ადგილი – 100 ლარი

საკონკურსო განაცხადები მიიღება ელექტრონულად  mtiebi2021@gmail.com  ელფოსტის მისამართზე, 28 აპრილიდან  12 მაისის ჩათვლით.

პროზასა და პოეზიაში  – ნამუშევრები წარმოდგენილი უნდა იყოს: Word- ის დოკუმენტით, ქართულ ენაზე, შრიფტის ზომა 12, Sylfaen.

მხატვრობაში  –  ნახატი წარმოდგენილი უნდა იქნას მატერიალურად, განათლების, კულტურის, ძეგლთა დაცვის, ტურიზმის,  სპორტისა და ახალგაზრდულ საქმეთა სამსახურში.  ნებისმიერ მასალაზე (ტილო, მუყაო და ა.შ.)  მოცულობა არაუმეტეს 80-60სმ. ასევე მხატვრობაში, კონკურსანტის განაცხადი  შესაბამისი დოკუმენტაციითა და ნამუშევრის ფოტოთი, წარმოდგენილი უნდა იყოს ელექტრონულად.

კონკურსანტების ნამუშევარს თან უნდა ერთვოდეს განცხადება, პირადობის მოწმობის ასლი (არასრულწლოვანის შემთხვევაში დაბადების მოწმობის ასლი) კონკურსანტის საკონტაქტო ინფორმაცია,  ტელ. ნომერი და ელ.ფოსტა;

გამარჯვებულების გამოვლენა მოხდება საკონკურსო ნამუშევრების მიღების დასრულებიდან 10 დღის ვადაში.

გამარჯვებულების დაჯილდოება გაიმართება 26 მაისს.

კონკურსის ორგანიზატორია, ლანჩხუთის მუნიციპალიტეტის მერიის განათლების, კულტურის, ძეგლთა დაცვის, ტურიზმის,  სპორტისა და ახალგაზრდულ საქმეთა სამსახური.