ლანჩხუთის სპორტულ ცენტრში კარატეს სექციაში პირველი საფეხურის გამოცდა ჩატარდა და გამარჯვებულებს თეთრი ქამრები მიენიჭა.
როგორც გურიის კარატეს ფედერაციის ხელმძღვანელმა ლაშა ბერიძემ აღნიშნა, ლანჩხუთში კარატეს 60 ბავშვი ეუფლება. დღეს კი პირველი საფეხურის შეჯიბრი ჩატარდა, რასაც აღსაზრდელებმა საკმაოდ წარმატებით გაართვეს თავი.
შეჯიბრს ლანჩხუთის მერი ალექსანდრე სარიშვილი მოადგილე თორნიკე ტიკაძესთან ერთად ესწრებოდა. მერმა პატარებს გამარჯვება მიულოცა და სერთიფიკატები გადასცა.
