კავშირი მდგრადი განვითარებისთვის აღმასრულებელი დირექტორი სერგი სოფაძე ლანჩხუთის მუნიციპალიტეტის მერს ალექსანდრე სარიშვილს შეხვდა.
სერგი სოფაძემ ლანჩხუთის მერს „ეკოვიჟენ“ საერთაშორისო პარტნიორებისა და საქართველოს მთავრობის მიერ დაფინანსებული სოციალური პროექტის შესახებ ესაუბრა და აღნიშნა, რომ პროექტის მიზანია, საქართველოში ტყის კარგვის შემცირება, ენერგოეფექტური და ალტერნატიული საწვავისთვის ბაზრის განვითარება.
ლანჩხუთის მუნიციპალიტეტის მერმა აღნიშნულ ინიციატივასა და პროექტის განხორციელებას მხარდაჭერა აღუთქვა.
შეხვედრაზე ასევე ისაუბრეს 21 ივლისს ქალაქ ოზურგეთში დაგეგმილ ღონისძიებასთან დაკავშირებით, რომელსაც რეგიონში მოქმედი პროექტის შინაარსთან ახლოს მყოფი მცირე მეწარმეები, მათ შორის, ლანჩხუთის მუნიციპალიტეტიდან დაესწრებიან. ღონისძიების ფარგლებში დამსწრეებს წარედგინებათ პრეზენტაცია გურიის ტყეების დაზოგვისა და მათი მოფრთხილების საშუალებების, კერძოდ კი ენერგოეფექტური შეშის ღუმელების, შეშის ალტერნატივების და მათი შეძენის შესახებ.
