ლანჩხუთის მუნიციპალიტეტის სხდომათა დარბაზში პროექტის პრეზენტაცია მოეწყო, რომლის მიზანი საზოგადოების მონაწილეობით სოფლების განვითარების ხელშეწყობაა.
როგორც პროექტის ხელმძღვანელმა ამირან გიგინეიშვილმა განაცხადა, ლანჩხუთის მუნიციპალიტეტში სამი პროექტი განხორციელდა. სოფელ ეწერში საბავშვო ბაღი შეიღობა, გრიგოლეთის სკოლაში სავარჯიშო დამონტაჟდა, ხოლო სოფელ ორაგვეში შინმოუსვლელთა სკვერი მოეწყო.
პრეზენტაციას ლანჩხუთის მერის პირველი მოადგილე ეკატერინე გუჯაბიძე და ადგილობრივი თვითმმართველობის სხვა წარმომადგენლები დაესწრნენ.
პროექტი საქართველოს სასოფლო დარბაზის, ,,თანამშრომლობა ადგილობრივი განვითარებისთვის“ გაეროს პროგრამის (UNDP), დანიის საგარეო საქმეთა სამინისტროსა და საქართველოს მთავრობის მხარდაჭერით განხორციელდა.
