ლანჩხუთის მუნიციპალიტეტის სხდომათა დარბაზში პროფესორმა შუქრი თავართქილაძემ ყვავილნარისა და გრიგოლეთის სანაპირო ქვიშის ხარისხის კვლევის შესახებ ანგარიში წარადგინა.
როგორც შეხვედრაზე აღინიშნა, სხვადასხვა მინერალების მაღალი კონცენტრაციის გამო ყვავილნარისა და გრიგოლეთის მაგნიტური ქვიშების სამკურნალო თვისებები მედიცინაში წარმატებით გამოიყენება ძვალ-სახსროვან კორექციაში. რბილი სუბტროპიკული კლიმატი, მოხერხებული გეოგრაფიული მდებარეობა საშუალებას აძლევს კურორტს გახდეს მსოფლიოში ერთ-ერთი მნიშვნელოვანი სამკურნალო- გამაჯანსაღებელი ცენტრი.
შუქრი თავართქილაძემ მადლობა გადაუხადა ლანჩხუთის მუნიციპალიტეტის მერს პროექტის მხარდაჭერისთვის.
შეხვედრას ლანჩხუთის მერი ალექსანდრე სარიშვილი, საკრებულოს თავმჯდომარე ბესიკ ტაბიძე, რეგიონის სამხარეო ადმინისტრაციისა და ადგილობრივი თვითმმართველობის წარმომადგენლები ესწრებოდნენ.
