ხაჯალიის საჯარო სკოლის ეკო-კლუბმა მონაწილეობა მიიღო გაეროს სურსათისა და სოფლის მეურნეობის ორგანიზაციის (FAO) მიერ ორგანიზებულ კონკურსში ,,ფუტკარი, როგორც სიცოცხლის წყარო“.
კონკურსი ,,ნიკო კეცხოველის სასკოლო პრემია 2023-ის“ ერთ-ერთ დავალებას გულისხმობდა, რომელსაც კლუბმა თავი წარმატებით გაართვა.
კლუბის წევრები ლანჩხუთის მუნიციპალიტეტის მერს ალექსანდრე სარიშვილს და პირველ მოადგილე ეკატერინე გუჯაბიძეს შეხვდნენ. კლუბს ხაჯალიის სკოლის დირექტორი ხათუნა აფხაზავა ხელმძღვანელობს.
მუნიციპალიტეტის მერმა ალექსანდრე სარიშვილმა კლუბის ხელმძღვანელსა და წევრებს წახალისების მიზნით ფულადი ჯილდო გადასცა, მიულოცა გამარჯვება და წარმატებები უსურვა.
კონკურსი პროექტ NAITS-ის ფარგლებში, რომელსაც სურსათის ეროვნული სააგენტო FAO-ს ტექნიკური მხარდაჭერითა და შვეიცარიის განვითარებისა და თანამშრომლობის სააგენტოსა (SDC) და ავსტრიის განვითარების თანამშრომლობის (ADC) ფინანსური მხარდაჭერით ჩატარდა.
