23 ივლისს, ლანჩხუთის მუნიციპალიტეტის საკრებულოს წევრი ამირან ქანთარია ამომრჩეველს შეხვდა და გასული წლის ანგარიში შეაჯამა.
ამირან ქანთარიამ ამომრჩეველს საანგარიშო პერიოდში საკრებულოში მის მიერ გაწეული მუშაობისა და საკრებულსოს სხდომაზე დასმული საკითხების შესახებ მიაწოდა ინფორმაცია.
ანგარიშის წარდგენას საკრებულოს თავმჯდომარის მოადგილე ვლადიმერ ნანაძე დაესწრო და როგორც აღნიშნა, შეხვედრების მიზანი მოსახლეობის ინფორმირებულობის გაზრდა, საჭიროებათა გამოვლენა და გადაწყვეტილების მიღების პროცესში მაქსიმალური ჩართულობაა.
ქანთარიამ აღნიშნა, რომ აქტიურად მონაწილეობდა საკრებულოს მიერ კანონქვემდებარე სამართლებრივი აქტების მიღება-დამტკიცებაში. მათ შორის გამოყო რამდენიმე მნიშვნელოვანი: ლანჩხუთის მუნიციპალიტეტის 2019 წლის ბიუჯეტი, ლანჩხუთის მუნიციპალიტეტის 2019 წლის სოციალური პროგრამები, მისი გაცემისა და მიღების წესი, მუნიციპალიტეტში გადაუდებელი ამბულატორიული მომსახურებების მიწოდების მიზნით 2019 წელს განსახორციელებელი საჯარო შენობების მშენებლობა/რეაბილიტაციის პროექტები და ა.შ.
სხდომებზე საკრებულოს წევრმა დასვა პრობლემები: აზიური ფაროსანას წინააღმდეგ ბრძოლის ღონისძიებებების შესახებ, ქალაქის ტერიტორიის დაგვა-დასუფთავებისა და ქალაქის ცენტრში გარე ვაჭრობის მოწესრიგების, კოსტავას ქუჩაზე ნაძვის ხეების გადაბელვის და კლინიკა „ჯამრთელობის“ მიმდებარე ტერიტორიაზე ასფალტის საფარის მოწესრიგების საკითხები.
როგორც საკრებულოს წევრს, შეხვედრები ჰქონდა ამომრჩევლებთან. მოთხოვნები ძირითადად შეეხებოდა სოციალურ დახმარებებს და ინფრასტრუქტურულ საკითხებს. სოციალური მოთხოვნების დაკმაყოფილება მოხდა მუნიციპალიტეტის სოციალური პროგრამების ფარგლებში.
ამირან ქანთარიამ აღნიშნა საანგარიშო პერიოდში ქალაქის ადმინისტრაციულ ერთეულში განხორციელებული და 2019 წელს დაგეგმილი და მიმდინარე ინფრასტრუქტურული პროექტების შესახებ. გაერთიანებული წყალმომარაგების კომპანიის მიერ მიმდინარეობს ქალაქის ტექნიკური წყლით მომარაგება, სანიაღვრეები მოეწყობა რამდენიმე ქუჩაზე, იგეგმება ი.დუნდუას სახელობის ხელოვნურსაფარიანი მოედნის რეაბილიტაცია და ა.შ.
,,მიუხედავად იმისა, რომ მუნიციპალიტეტის მასშტაბით ბევრი რამ კეთდება, ზოგიერთი საკითხის მიმართ შენიშვნები მაქვს, რადგან სამუშაოები, ხარისხიანად უნდა შესრულდეს“, აღნიშნა ქანთარიამ.
შეხვედრაზე დაისვა პრობლემები: ხეების გადაბელვის, კანალიზაციის მოწესრიგების, კლინიკა ,,ჯანმრთელობის“ მიმდებარე ტერიტორიის დასუფთავების საკითხი.
საკრებულოს წევრმა მოქალაქეებს მადლობა გადაუხადა და როგორც აღნიშნა, გააგრძელებს აქტიურ მუშაობას როგორც მუნიციპალიტეტის საკრებულოში, ასევე ამომრჩევლებთან, მისი სადეპუტატო უფლებამოსილების პერიოდში შესაძლებლობიდან გამომდინარე რომ გადაწყდეს ყველა ის პრობლემა, რომელიც მუნიციპალიტეტის მოსახლეობას აწუხებს.
#გურია2019 #ლანჩუთი2019 #წლისანგარიში2018
