დღეს ლანჩხუთის მუნიციპალიტეტის საკრებულოს სხდომა გაიმართა, რომელსაც თავმჯდომარე ბესიკ ტაბიძე უძღვებოდა.სხდომაზე უმრავლესობით იქნა მიღებული დადგენილების პროექტი, რომელიც 2026 წლის ბიუჯეტში ცვლილებებს ეხებოდა.
საკრებულომ დაადგინა მუნიციპალიტეტის ტერიტორიაზე არსებული სახელმწიფო და მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასი, ასევე მუნიციპალიტეტის საკუთრებაში არსებული უძრავი ქონების, ელექტრონული აუქციონის წესით, სასყიდლიანი სარგებლობის უფლებით გადაცემისას, ქონების ქირის საწყისი წლიური საფასური.
სხდომაზე მხარდაჭერილი იქნა მუნიციპალიტეტის ქონების საპრივატიზაციო ობიექტების ნუსხისა და პრივატიზაციის გეგმა.
საკრებულომ ასევე მხარი დაუჭირა ადმინისტრაციული წარმოების დაწყებას პროექტებზე – ადგილობრივი (ქონების) გადასახადის შემოღებისა და მისი განაკვეთების განსაზღვრის, აგრეთვე საკრებულოს რეგლამენტში ცვლილების შეტანის თაობაზე.
