ლანჩხუთში სტარტი აიღო საერთაშორისო ტურნირმა ჭადრაკში „ნოე ჟორდანიას თასი – 2024“, რომელიც საქართველოს ჭადრაკის ფედერაციის ღონისძიებათა კალენდრითაა გათვალისწინებული.
ტურნირის ოფიციალურ გახსნას მუნიციპალიტეტის მერი მოადგილეებთან, საკრებულოს თავმჯდომარე ბესიკ ტაბიძესთან და ადგილობრივი ხელისუფლების სხვა წარმომადგენლებთან ერთად დაესწრო.
–წელს უკვე მეორედ ვმასპინძლობთ საერთაშორისო ტურნირს ჭადრაკში. მნიშვნელოვანია, რომ მასში მსოფლიოს სხვადასხვა ქვეყნიდან ჩამოსული, ასევე საქართველოს 31 მუნიციპალიტეტში მცხოვრები მოჭადრაკეები იღებენ მონაწილეობას. მივესალმები თითოეულ მონაწილეს და წარმატებებს ვუსურვებ- აღნიშნა ალექსანდრე სარიშვილმა.
საერთაშორისო ტურნირში 300-მდე მოჭადრაკე იასპარეზებს.
ტურნირის ორგანიზატორი ლანჩხუთის მუნიციპალიტეტის მერიაა.
