ლანჩხუთის მუნიციპალიტეტის სკოლებში ახალი სასწავლო წელი დაიწყო.
– ახალი სასწავლო წლის დაწყებას ვულოცავ მოსწავლეებს, პედაგოგებს, მშობლებს. განსაკუთრებით ვულოცავ პირველკლასელებს. ლანჩხუთის მუნიციპალიტეტში 245-მა პატარამ შეაღო სკოლის კარი პირველად. მინდა გისურვოთ წარმატებული და საინტერესო მომავალი. წარმატებების წელი ყოფილიყოს თითოეული თქვენგანისთვის! – განაცხადა ლანჩხუთის მერმა ალექსანდრე სარიშვილმა.
ლანჩხუთის მერთან ერთად სახელმწიფო რწმუნებული გურიის მხარეში გიორგი ურუშაძე, პირველი მოადგილე ქეთევან მოისწრაფეშვილი, მერის პირველი მოადგილე ეკატერინე გუჯაბიძე, საკრებულოს თავმჯდომარე ბესიკ ტაბიძე და საგანმანათლებლო რესურსცენტრის ხელმძღვანელი ნინო ჩიტაძე იმყოფებოდნენ.
