ძუძუს კიბოს შესახებ ცნობიერების ამაღლების კამპანიასთან დაკავშირებით ღონისძიება გაიმართა, რომლის ფარგლებში საინფორმაციო ბუკლეტები დაარიგეს.
კამპანიას ლანჩხუთის მერის პირველი მოადგილე ეკატერინე გუჯაბიძე, გენდერული საბჭოს წევრებთან და სკრინინგ ცენტრის სპეციალისტებთან ერთად შეუერთდა.
,,ვარდისფერი ოქტომბერი“ მთელ მსოფლიოში 1997 წლიდან აღინიშნება, რაც ძუძუს კიბოს შესახებ ცნობიერების ამაღლების კამპანიას ემსახურება, მიზანი კი, ძუძუს კიბოს რისკების შესახებ ცნობადობის გაზრდა, რეგულარული თვითშემოწმების შესახებ ინფორმაციის გავრცელება და კიბოს სკრინინგის აუცილებლობაა.
