სუფსის ადმინისტრაციულ ერთეულში გზის სარეაბილიტაციო სამუშაოები დასასრულს უახლოვდება.
მიმდინარე სამუშაოები ლანჩხუთის მერმა ალექსანდრე სარიშვილმა საკრებულოს თავმჯდომარე ბესიკ ტაბიძესთან და მოადგილე თორნიკე ტიკაძესთან ერთად დაათვალიერა.
„ ვაგრძელებთ ლანჩხუთის მუნიციპალიტეტში საგზაო ინფრასტრუქტურის მოწესრიგებას. სოფელ სუფსაში სამუშაოები დასკვნით ეტაპზეა. მუნიციპალიტეტი განაგრძობს ამ მიმართულებით მუშაობას, წლის განმავლობაში ბევრ სოფელში მოეწყობა და მოწესრიგდება გზები“, – განაცხადა ლანჩხუთის მერმა.
სარეაბილიტაციო სამუშაოების ღირებულება 750 000 ლარია.
