საქართველოს დამოუკიდებლობის დღესთან დაკავშირებით, ლანჩხუთის მერმა ალექსანდრე სარიშვილმა, საკრებულოს თავმჯდომარე ბესიკ ტაბიძესთან და მუნიციპალიტეტის ადგილობრივი ხელისუფლების წარმომადგენლებთან ერთად, ნოე ჟორდანიას ბიუსტი გვირგვინით შეამკო.
“26 მაისი საქართველოს ისტორიაში უმთავრესი ეროვნული დღესასწაულია. 1918 წლის 26 მაისს საქართველოს დამოუკიდებლობის აქტის მიღებით ჩვენმა ქვეყანამ პირველი დემოკრატიული რესპუბლიკის შექმნა გამოაცხადა. სწორედ ამიტომ, ეს დღე სიამაყისა და უდიდესი პასუხისმგებლობის დღეა. სამშობლოს სიყვარული და თავგანწირვა თითოეული ჩვენგანის ვალდებულებაა.
დამოუკიდებლობის დღეს გილოცავთ!
მშვიდობას, ერთიან და ძლიერ ქვეყანაში ცხოვრებას გისურვებთ,“- აღნიშნა ალექსანდრე სარიშვილმა.
გაიმართა სხვადასხვა სახის სპორტული ღონისძიებები. ჭადრაკსა და ფეხბურთში
გამარჯვებულებს სიგელები, თასები და მედლები გადაეცათ.
ადგილობრივი ხელისუფლების წარმომადგენლებმა სამხატვრო სკოლის მოსწავლეთა ნახატების გამოფენა დაათვალიერეს.
დღესვე წვევამდელთა ეროვნულ სამხედრო სამსახურში ნებაყოფლობით გაწვეულთა ოჯახის წევრებს მადლობის სიგელები გადაეცათ.
დამოუკიდებლობის დღისადმი მიძღვნილი ღონისძიებები საზეიმო კონცერტით დასრულდა.
