ლანჩხუთის მუნიციპალიტეტში საკრებულოს სხდომა გაიმართა, რომელზეც დღის წესრიგით გათვალისწინებული 2 საკითხი განიხილეს.საკრებულომ დაამტკიცა პროექტი, რომლის თანახმად, დაზუსტდა შემთხვევები, რომლებზე რეაგირებაც მუნიციპალიტეტის მასშტაბით მერიის ზედამხედველობის სამსახურისა და შპს „ლანჩხუთის სატრანსპორტო კომპანიის“ კომპეტენციას განეკუთვნება.
სხდომაზე ასევე უმრავლესობით მხარი დაუჭირეს ა(ა)იპ „ოდა ქეარისთვის “ 2 წლის ვადით უძრავი ქონების სარგებლობის უფლებით გადაცემას. „ოდა ქეარი“ ლანჩხუთში ბავშვთა ადრეული განვითარების, რეაბილიტაცია/აბილიტაციის, აუტიზმისა და შინმოვლის/ასისტენტის პროგრამებს ახორციელებს.
დღის წესრიგით გათვალისწინებული საკითხების გავლის შემდეგ, საკრებულოს წევრებმა მუნიციპალიტეტში მიმდინარე მნიშვნელოვანი პროექტები განიხილეს.
სხდომას, რომელსაც საკრებულოს თავმჯდომარე ბესიკ ტაბიძე უძღვებოდა, მუნიციპალიტეტის მერი ალექსანდრე სარიშვილი დაესწრო.
საკრებულოს მუშაობის პროცესს გაეცნენ სუფსის საჯარო სკოლის მეთორმეტეკლასელები, რომლებიც საკრებულოს სხდომას დაესწრნენ.
