მაჩხვარეთის, ჩიბათის, ღრმაღელის, სუფსის და ქ. ლანჩხუთის ადმინისტრაციულ ერთეულებში ხელოვნურსაფარიანი მინი სტადიონები მოეწყობა, – აღნიშნული გადაწყვეტილება ლანჩხუთის მუნიციპალიტეტის საკრებულოს რიგგარეშე სხდომაზე მიიღეს.სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა, დამტკიცდა განკარგულება რეგიონებში განსახორციელებელი პროექტების ფონდიდან ლანჩხუთის მუნიციპალიტეტში დაგეგმილი ინფრასტრუქტურული პროექტის შესახებ.
საკრებულოს წევრებმა სტადიონების მოწყობას ერთხმად დაუჭირეს მხარი.
