მუნიციპალიტეტის მერთან დღეს სამუშაო შეხვედრა გაიმართა.
ალექსანდრე სარიშვილმა მერიის სამსახურების უფროსებთან ერთად განიხილა მიმდინარე და დაგეგმილი პროექტები.
როგორც თათბირზე აღინიშნა, „სოფლის მხარდაჭერის პროგრამის“ ფარგლებში სამუშაოები დასკვნით ეტაპზეა. როგორც ინფრასტრუქტურისა და სივრცითი მოწყობის სამსახურის უფროსმა ლევან ჩხაიძემ განაცხადა, უახლოეს მომავალში დაიწყება ამბულატორიების რეაბილიტაცია შემდეგ სოფლებში: შუხუთი, აცანა, აკეთი, ნიგოითი.
შეხვედრაზე ასევე ისაუბრეს აზიურ ფაროსანასთან დაკავშირებით დაგეგმილ ღონისძიებებზე. ამ დროისთვის სოფლები თერმული ნისლით მუშავდება, ამავე დროს წერტილოვანი შეწამვლების მესამე ეტაპი მიმდინარეობს.
