ლანჩხუთის მერი მოადგილეებთან ერთად მერიის სამსახურის უფროსებს შეხვდა.
სამუშაო შეხვედრაზე განიხილეს მიმდინარე და დაგეგმილი ინფრასტრუქტურული პროექტები.
ალექსანდრე სარიშვილმა განაცხადა, რომ რეგიონებში განსახორციელებელი პროექტების ფონდიდან, ქალაქში ახალი, თანამედროვე სტანდარტების შესაბამისი, სპორტული კომპლექსის მშენებლობა იწყება. პროექტის ღირებულება 2 680 538 ლარს შეადგენს. შენობა 250 მაყურებელზეა გათვლილი. მოეწყობა ორი დარბაზი, რომელიც კალათბურთს, ფრენბურთს და სხვადასხვა სპორტულ აქტივობებს დაეთმობა. შენობაში მოწყობილი იქნება სველი წერტილები, გასახდელები, საშხაპეები.
ამავე დროს იმსჯელეს ,,სოფლის მხარდაჭერის პროგრამის“ ფარგლებში მიმდინარე პროექტების განხორციელებაზე. აღინიშნა, რომ ქალაქში კვლავ გრძელდება 13 ქუჩის რეაბილიტაცია და აქტიურად მიმდინარეობს სამუშაოები თამარ მეფის, ურუშაძისა და საფო მგელაძის ქუჩებზე.
მუნიციპალიტეტის მერმა დაავალა სამსახურის უფროსებს მაქსიმალური ყურადღება გამოიჩინონ ინფრასტრუქტურული სამუშაოების ხარისხიან შესრულებაზე.
