ლანჩხუთის მუნიციპალიტეტის საკრებულოს სხდომაზე, რომელსაც საკრებულოს თავმჯდომარე ბესიკ ტაბიძე უძღვებოდა, დღის წესრიგით გათვალისწინებული ორი საკითხი განიხილეს.სხდომაზე იმსჯელეს „ლანჩხუთის მუნიციპალიტეტის ქალისა და მამაკაცის თანასწორობისა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 29 ივლისის N20 დადგენილებაში ცვლილების შეტანის თაობაზე“, პროექტი საკრებულოს იურიდიულ საკითხთა და ეთიკის კომისიის თავმჯდომარე გიორგი ხელაძემ წარუდგინა.
პროექტის თანახმად საბჭოს დასახელება იცვლება და ის ჩამოყალიბდება შემდეგი რედაქციით: ,,ლანჩხუთის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭო“.
სხდომაზე ასევე განიხილეს მუნიციპალიტეტის საკრებულოს რეგლამენტის ცვლილების პროექტი, რომლითაც ლანჩხუთის მუნიციპალიტეტის გენდერული თანასწორობის საბჭო ნაცვლად, ლანჩხუთის მუნიციპალიტეტის ქალთა და ბავშვთა საკითხებზე მომუშავე მუნიციპალური საბჭო იქმნება.
წარმოდგენილ პროექტებს საკრებულომ უმრავლესობით დაუჭირა მხარი.
