ლანჩხუთის მუნიციპალიტეტის სოფლებში: ჯურუყვეთსა და ნიგვზიანში, თანამედროვე სტანდარტებით აღჭურვილი ამბულატორიები გაიხსნა.
სამედიცინო დაწესებულებების გახსნას ესწრებოდნენ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, გურიის მხარეში სახელმწიფო რწმუნებული გიორგი ღურჯუმელიძე, ლანჩხუთის მერი ალექსანდრე სარიშვილი, საქართველოს სამედიცინო ჰოლდინგის დირექტორი მალხაზ ჟორჟიკაშვილი და ადგილობრივი ხელისუფლების წარმომადგენლები.
ახალი ამბულატორიები მნიშვნელოვნად გააუმჯობესებს ადგილობრივი მოსახლეობის პირველადი ჯანდაცვის
სერვისებზე ხელმისაწვდომობას და უზრუნველყოფს მაღალი ხარისხის სამედიცინო მომსახურებას ადგილზე.
