დღეს ლანჩხუთის მერის პირველმა მოადგილე ეკატერინე გუჯაბიძემ საკრებულოს თავმჯდომარე ბესიკ ტაბიძესთან და რესურს ცენტრის უფროსს ნინო ჩიტაძესთან ერთად
2-6 ივნისს ბათუმში საქართველოს ახალგაზრდული ოლიმპიური ფესტივალის მონაწილეები გააცილა.
-,,მზად ვართ მხარი დავუჭიროთ ჯანსაღი ცხოვრების წესს, თქვენ ამის საუკეთესო მაგალითი ხართ. წარმატებები მინდა გისურვოთ თითოეულ თქვენგანს. დარწმუნებული ვარ, კიდევ ბევრჯერ ასახელებთ ჩვენს მუნიციპალიტეტს“-აღნიშნა ეკატერინე გუჯაბიძემ.
საქართველოს ახალგაზრდული ოლიმპიური ფესტივალი ქვეყნის მასშტაბით უპრეცედენტო მულტისპორტული პროექტია, რომელიც საქართველოს ეროვნული ოლიმპიური კომიტეტის ინიციატივითა და საქართველოს მთავრობის მხარდაჭერით ხორციელდება.
