ლანჩხუთში „ქართული კლასიკური მუსიკის საღამოების“ მორიგი კონცერტი გაიმართა.
მსმენელის წინაშე წარსდგნენ ცნობილი ქართველი მუსიკოს-შემსრულებლები: თამარ ლიჩელი, ვალერიან შიუკაშვილი, ლიზი რამიშვილი, გიორგი ხაინდრავა და გოჩა დათუსანი. საკონცერტო პროგრამაში ქართველი კომპოზიტორების ნაწარმოებები იყო წარმოდგენილი.
,,-ამაღელვებელი დღეა ჩვენთვის უზომოდ მიხარია, რომ ლანჩხუთში ვიმყოფები. პროექტი საქართველოს კულტურის სამინისტროს მხარდაჭერით ხორციელდება. წარმოდგენილი გვქონდა, როგორც ქართული კლასიკური მუსიკის შედევრები, ასევე თანამედროვე ნაწარმოებები“ – აღნიშნა თამარ ლიჩელმა.
ღონისძიებას ლანჩხუთის მერის პირველი მოადგილე ეკატერინე გუჯაბიძე და ადგილობრივი თვითმმართველობის წარმომადგენლები ესწრებოდნენ.
