ლანჩხუთის მუნიციპალიტეტის საკრებულოს წევრი, ჩიბათის მაჟორიტარი, გიორგი ჩახვაძე, საკრებულოს თავმჯდომარე ბესიკ ტაბიძესა და მოდგილე ვლადიმე ნანძესთან ერთად ჩიბათის ადმინისტრაციული ერთეულის მოსახლეობას შეხვდა და ადგილზე გაეცნო სოფლის საჭიროებებს.
გიორგი ჩახვაძემ მოსახლეობას ის პროექტები გააცნო, რომელიც 2018 წელს ჩიბათის ადმინისტრაციულ ერთეულში განხორციელდა. მისი თქმით, ასფალტის საფარი დაიგო ,,დაფნარასა“ და ,,მერის“ უბნებში, კაპიტალური რემონტი ჩაუტარდა საბავშვო ბაღის შენობას, ნაპირსამაგრი გაბიონი მოეწყო წმ. სვიმონ კანანელის სახელობის ტაძრის მიმდებარედ და არაერთ მოსახლის საცხოვრებელთან, მოხდა სტიქიით დაზარალებული მოსახლეობის სახლის გადასახური მასალით უზრუნველყოფა. როგორც ჩახვაძემ აღნიშნა, პრიორიტეტულია ახალგაზრდების ხელშეწყობა, რეაბილიტაცია ჩაუტარდა სოფელში არსებულ სტადიონს, ჩამოყალიბდა საფეხბურთო კლუბი ,,ჩიბათი“, რომელიც წარმატებულად ასპარეზობს. 
როგორც შეხვედრაზე აღინიშნა, სოფელ ჭალაში უახლოეს პერიოდში დაიწყება გაზიფიცირების სამუშაოები.
ხელისუფლების წარმომადგენლებმა მოსახლეობის პრობლემები მოისმინეს. სოფელ ჭალასა და ქვემო ჩიბათში პრობლემურია წყლის სათავე ნაგებობისა და შიდა ქსელის რეაბილიტაციის საკითხი. ქვემო ჩიბათში საყანე ფართობებთან არსებული ხიდი საჭიროებს გაწმენდას, ზემო ჩიბათის მოსახლეობამ საერთო პრობლემად შიდა გზების მოწესრიგებისა და სანიაღვრე არხების გაწმენდის საკითხი დასვა.
საკრებულოს წარმომადგენლებმა შეხვედრის დასრულების შემდეგ, ადგილზე მოინახულეს პრობლემური ობიექტები.
#გურია2019 #ლანჩხუთი2019 #შეხვედრაჩიბათში
