ლანჩხუთის მუნიციპალიტეტის მერმა ადმინისტრაციულ ერთეულებში წარმომადგენლებთან თათბირი გამართა.
ალექსანდრე სარიშვილმა მიმდინარე მინდვრის საგაზაფხულო სამუშაოების შესახებ მიიღო ინფორმაცია. როგორც შეხვედრაზე ითქვა, ხვნა-თესვის სამუშაოებს ბოლოდროინდელი გვალვა ხელს უშლის და აფერხებს მიწის დამუშავების პროცესს.
გარდა ამისა, შეხვედრაზე საუბარი შეეხო ფაროსანას წინააღმდეგ ბრძოლის სამუშაოებს. როგორც მერიის სოფლის მეურნეობის და გარემოს დაცვის განყოფილების უფროსმა ვახტანგ შალიკაშვილმა განაცხადა, თითქმის ყველა სოფელში „მოიზიდე და მოკალი“ სადგურების შეწამვლა მიმდინარეობს. მოქალაქეებს ასევე დაურიგდებათ „ფერმერის დღიური“, რომელშიც აღწერილია თხილის მოვლის აგროტექნიკური ვადები და სხვადასხვა ღონისძიებები. ასევე სხვადასხვა სახის რეკომენდაციები და საქართველოში რეგისტრირებული პესტიციდების ნუსხა.
მუნიციპალიტეტის მერმა ადმინისტრაციული ერთეულების წარმომადგენლებისაგან მოისმინა ინფორმაცია, „სოფლის მხარდაჭერის პროგრამის“ ფარგლებში მიმდინარე სამუშაოების შესახებ. დაავალა თითოეულ მათგანს მკაცრი კონტროლი გამოიჩინონ, რათა დროულად მოხდეს სამუშაოების დასრულება.
