დღეს, ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც ბესიკ ტაბიძე თავმჯდომარეობდა.
ბიუროს სხდომას შემოსული ელექტრონული პეტიცია – „გურული მხედრების სახელობის მოედანი ლანჩხუთში“, იურიდიულ საკითხთა და ეთიკის კომისიის თავმჯდომარე ვერიკო კვირკველიამ გააცნო.
როგორც აღინიშნა, პეტიციის ავტორი და ინიციატორი კინორეჟისორი და მკვლევარი, ირაკლი მახარაძე გახლავთ. ლანჩხუთის მუნიციპალიტეტში რეგისტრირებული ამომრჩევლების 1% – მა ხელმოწერებით გამოხატა ნება, რომ ლანჩხუთში, საიდანაც იყვნენ გურული მხედრების უმეტესობა, ნინოშვილის ქუჩაზე, მხარეთმცოდნეობის მუზეუმის წინ მდებარე მოედანს ეწოდოს გურული მოჯირითეების სახელი და დაიდგას ბრინჯაოს კომპოზიცია.
აღნიშნულ პეტიციას შესწავლის მიზნით, საკრებულოს იურიდიულ საკითხთა და ეთიკის კომისია განიხილავს, დასკვნის მომზადების შემდეგ კი საკრებულოს წარედგინება განსახილველად. ბიურომ დღის წესრიგით განსაზღვრულ სხვა საკითხებზეც იმსჯელა.
ვრცლად განხილული საკითხები იხილეთ: https://bit.ly/2MMyYhb
სხდომას მუნიციპალიტეტის მერი ალექსანდრე სარიშვილი და საკითხის მომხსენებლები ესწრებოდნენ.
