დღეს ლანჩხუთის მუნიციპალიტეტის საკრებულოს თავმჯდომარე, ბესიკ ტაბიძე და მუნიციპალიტეტის მერის მოვალეობის შემსრულებელი, ბიძინა იმნაიშვილი ადგილობრივი ხელისუფლების სხვა წარმომადგენლებთან ერთად მაჩხვარეთის ადმინისტრაციულ ერთეულში იმყოფებოდნენ. მათ ადგილზე დაათვალიერეს სოფელში მიმდინარე ორი ხიდის მშენებლობა.
სამუშაოებს შპს ,,კავკასუს სოუდ პროჯექტი” ასრულებს.
პროექტი სტიქიის სალიკვიდაციო ღონისძიებები ფარგლებში ხორციელდება და მისი საერთო ღირებულება 1 500 000 ლარია.
-სტიქიის შედეგად ორივე ხიდი მნიშვნელოვნად დაზიანდა, რაც მოსახლეობის გადაადგილებისთვის სერიოზულ პრობლემებს ქმნიდა. სამუშაოების დასრულება 15 ნოემბრამდე იგეგმება – განაცხადა ბიძინა იმნაიშვილმა.
