გრიგოლეთისა და ყვავილნარის სანაპირო ზოლის განაშენიანების გეგმის კონცეფციისა და გრიგოლეთისა და ყვავილნარის სანაპირო ზოლის განაშენიანების გეგმის განხილვა მოეწყო.
შეხვედრაზე არქიტექტურის მეცნიერებათა კანდიდატმა, სივრცითი დაგეგმვის ხელმძღვანელმა ლადო ვარდოსანიძემ ვრცლად ისაუბრა და წარმოადგინა ის საკითხები, რისი განხორციელებაც პროექტის ფარგლებში იგეგმება.
-გრიგოლეთისა და ყვავილნარის სანაპირო ზოლის განაშენიანების გეგმის კონცეფციის შემუშავებას უდიდესი მნიშვნელობა აქვს. ვფიქრობ, განაშენიანების გეგმა ხელს შეუწყობს კურორტის პოტენციალის მაქსიმალურ ათვისებას- განაცხადა ლანჩხუთის მუნიციპალიტეტის მერის მოვალეობის შემსრულებელმა ბიძინა იმნიაშვილმა.
გეგმის მიხედვით კურორტზე დასასვენებელი, სპორტული მოედნები და ღია სივრცეები მოეწყობა, რაც კიდევ უფრო გაზრდის ტურისტული ვიზიტების რაოდენობას.
შეხვედრას სივრცითი დაგეგმარების ექსპერტი და პროექტის ხელმძღვანელი ვახტანგ ჯოხაძე, საერთაშორისო ბიზნესის მენეჯერი, პროექტის აღმასრულებელი დირექტორი მარიამ ოლქიშვილი, პროფესორი შუქრი თავართქილაძე და ადგილობრივი ხელისუფლების წარმომადგენლები ესწრებოდნენ.
შეხვედრა კითხვა-პასუხის რეჟიმში გაგრძელდა. გეგმის ავტორებმა დამსწრეთა შეკითხვებს ამომწურავი პასუხები გასცეს.
