დღეს ლანჩხუთის მუნიციპალიტეტის მერი ალექსანდრე სარიშვილი, მერის თანაშემწე თორნიკე ტიკაძე, ინფრასტრუქტურისა და სივრცითი მოწყობისა და ზედამხედველობის სამსახურების უფროსები ყვავილნარისა და გრიგოლეთის მოსახლეობას ადგილზე შეხვდნენ. ამ სოფლების მოსახლეობას რამდენიმე პრობლემა აქვს. პირველი და უმთავრესი ზღვაზე გამავალი ბილიკია. ალექსანდრე სარიშვილმა განუცხადა მათ, რომ იმოქმედებს კანონის სრული დაცვით. რაც შეეხება ნაგვის გატანას, მოსახლეობამაც დაადასტურა, რომ ნაგვის მანქანა სოფელში ხშირად დადის და საყოფაცხოვრებო ნარჩენები გააქვს. ყვავილნარში მისასვლელი გზის მოხრეშვითი სამუშაოები კი უკვე დაწყებულია. ალექსანდრე სარიშვილი და ადგილობრივი ხელისუფლების სხვა წარმომადგენლები მოსახლეობას თანადგომას დაპირდნენ.
