ლანჩხუთის მუნიციპალიტეტის გენდერული თანასწორობის საბჭოს წევრებს სახალხო დამცველის აპარატის გენდერის დეპარტამენტის თანამშრომლები, გვანცა ხარატიშვილი და ანა ლობჟანიძე შეხვდნენ.
შეხვედრის მიზანი რეგიონებში გენდერული პოლიტიკის კვლევა გახლდათ, რა მდგომარეობაა გენდერული თანასწორობის კუთხით მუნიციპალიტეტში, რამდენად არის მორგებული საჭიროებებს არსებული ხედვა და გამოცდილება.
წარმომადგენლებმა ინფორმაცია მოისმინეს გენდერული თანასწორობის საბჭოს მუშაობის შესახებ, მის მიერ განხორციელებულ და დაგეგმილ ინიციატივებზე, აქტივობებზე.
შეხვედრა კითხვა-პასუხის ფორმატში წარიმართა. დაისვა შეკითხვები, თუ რა მდგომარეობაა ოჯახურ ძალადობის კუთხით მუნიციპალიტეტში, რამდენად ხშირია მომართვიანობა, რამდენად ხდება მოსახლეობის ინფორმირება ამა თუ იმ საკითხთან დაკავშირებით, რა ვითარებაა ქალთა ეკონომიური გაძლიერების კუთხით, არის თუ არა მცირე სამეწარმეო და სასოფლო-სამეურნეო საქმიანობა ადგილზე, აქვთ თუ არა პროფესიული განათლების მიღების შესაძლებლობა, რა ვითარებაა რეპროდუქციული ჯანმრთელობის კუთხით და ა. შ.
გენდერული თანასწორობის საბჭოს წევრების განცხადებით, აქტიურად თანამშრომლობენ არასამთვრობო ორგანიზაციებთან, სხვადასხვა უწყებებთან.
საკრებულოსთან თანამშრომლობით დაიბეჭდება საინფორმაციო ბუკლეტები ოჯახში ძალადობასთან დაკავშირებით. ძალადობის პრევენციის კუთხით ჩაერთვება ოჯახის ექიმებიც.
ასევე აღინიშნა, რომ არასამთავრობო ორგანიზაციასთან, ,,ქალები სამართლიანობისთვის“ თანამშრომლობით, 12 ადმინისტრაციულ ერთეულში დაარსდა ე.წ ,,ქალთა ოთახები“, რომლებიც მოსახლეობასთან კომუნიკაციას ახდენს გენდერულ საკითხებზე.
იგეგმება პროექტის განხორციელება, რომელშიც მერის წარმომადგენლებისა და აქტიური ჯგუფების ჩართვა იგეგმება.
#ლანჩხუთი2019
#გენდერი
