სოფელი ლანჩხუთის მუნიციპალიტეტში, თემის ცენტრი (ჯურუყვეთი, ბაღლეფი, ეწერი). მდებარეობს გურიის დაბლობზე, ზღვის დონიდან 30 მ. ლანჩხუთიდან 4 კმ., ჯუმათის რკინიგზის სადგურიდან 3 კმ. სოფელში არის საჯარო სკოლა, დგას წმინდა ნინოს სახელობის ეკლესია, გადის საქართველოს საავტომობილო მაგისტრალი ს12. სოფელში მოდის გოგირდოვანი წყალი.
სოფელში დაიბადა პოეტი საფო მგელაძე.
სოფელ ჯურუყვეთის ტერიტორიაზე აღმოჩენილია ნეოლითური ხანის ქვის იარაღები, კვირისთავები და საფხეკები, რომლებიც ლანჩხუთის მხარეთმცოდნეობის მუზეუმშია დაცული. სოფელში იდგა წმინდა ნიკოლოზის ეკლესია. სოფელში განვითარებული იყო მეთუნეობა. 1879 წელს სოფელში გაიხსნა ორკლასიანი სკოლა.
