ლანჩხუთის მუნიციპალიტეტის საკრებულოს წევრების მოქალაქეებთან შეხვედრა, რეგლამენტით განსაზღვრულ უფლებამოსილების ფარგლებში აქტიურად გრძელდება.
შეხვედ
რების მიზანია მოსახლეობის ინფორმირებულობის გაზრდა, საჭიროებათა გამოვლენა და გადაწყვეტილების მიღების პროცესში მაქსიმალური ჩართულობა.
დღეს, საკრებულოს წევრი, ქალაქ ლანჩხუთის მაჟორიტარი, გიორგი გვარჯალაძე ჩხაიძის ქუჩაზე ამომრჩეველს შეხვდა და მის მიერ გაწეული მუშაობის შესახებ ანგარიში წარუდგინა.
შეხვედრას საკრებულოს თავმჯდომარის მოადგილე ვლადიმერ ნანაძე ესწრებოდა.
მაჟორიტარმა ისაუბრა საანგარიშო პერიოდში მის მიერ გაწეული მუშაობის შესახებ და როგორც აღნიშნა გარდა საკრებულოს წევრის საქმიანობისა, აქტიურად იყო ჩართული სტიქიის მიერ დაზიანებული სახურავების შესაძენად ოჯახის დაზუსტების სამუშაო ჯგუფის მუშაობაში, რაც საკითხების ოპტიმალურ ვადებში გადაწყვეტის მხრივ, დადებითად აისახა საკრებულოს სივრცით-დაგეგმარებისა და
ინფრასტრუქტურის კომისიის მუშაობაში, რომლის თავმჯდომარეც თავად არის.
გვარჯალაძის თქმით, აქტიურად იყო ჩართული მუნიციპალიტეტის ტერიტორიაზე მიმდინარე ჩქაროსნული მაგისტრალის მშენებლობის პროცესში წარმოშობილი სხვადასხვა სახის პრობლემების მოგვარების საქმეში. როგორც საკრებულოს წევრმა და ინფრასტრუქტურის კომისიის თავმჯდომარემ დროული რეაგირება მოახდინა მეწყერსაშიშ ზონაში არსებული საცხოვრებელი სახლების დაზუსტების და იდენტიფიკაციის პროცესში შესაბამისი კვალიფიკაციის გეოლოგების ჩართვის მხრივ.
საკრებულოს წევრმა ქალაქში განხორციელებულ ინფრასტრუქტურულ სამუშაოებზე ისაუბრა. მდინარე ორაგვისღელეზე მოეწყო ყორე-ქვის გაბიონი, კვირკველიას ქუჩაზე ღელის კალაპოტი გაიწმინდა. სანიაღვრე არხები მოეწყო ურუშაძის, მშვიდობის, ცაბაძის, ყაზბეგისა და ბაგრატიონის ქუჩებზე, აღდგენა-რეაბილიტაცია ჩაუტარდა ქალაქის ადმინისტრაციულ ერთეულში შიდა გზებს.
მოსახლეობამ შეხვედრაზე დასვა პრობლემები: გვიმბალაურის მოსაზღვრედ მოსახლეობისთვის წყლის პრობლემის გადაჭრა, დაზიანებული ცხაურების აღდგენა, გაბიონის და ე.წ. სიჩქარის შემზღუდველის მოწყობა, ხოფერიას ქუჩაზე ასფალტის საფარის დაგება, სასულიერო სკოლასთან სტადიონის მოწყობა.
ვრცლად ანგარიშის შესახებ იხილეთ ანგარიშის სრული ტექსტი: http://lanchkhuti.gov.ge/
