კახა ბოლქვაძე ქალაქის მოსახლეობას შეხვდა

რეგლამენტით განსაზღვრული უფლებამოსილების ფარგლებში, ლანჩხუთის მუნიციპალიტეტის საკრებულოს წევრი კახა ბოლქვაძე ქალაქ ლანჩხუთის მოსახლეობას შეხვდა და გაწეული მუშაობის შესახებ ანგარიში წარუდგინა.

საკრებულოს წევრმა იმ ძირითად სამუშაოებზე გაამხავილა ყურადღება, რომელიც  საანგარიშო პერიოდში მისი ჩართულობით განხორციელდა. ამომრჩეველს გაცნო ის პრობლემური საკითხებიც, რომლებიც საკრებულოს სხდომებზე დასვა.

როგორც აღნიშნა, საანგარიშო პერიოდში ხვდებოდა ამომრჩეველს და ისმენდა მათ პრობლემებს, რომლებიც ძირითადად ეხებოდა სოციალურ დახმარებებს და ინფრასტრუქტურულ საკითხებს.

ყურადღება გაამახვილა იმ სამუშაოებზე, რომელიც ქალაქის ადმინისტრაციულ ერთეულში განხორციელდა საქართველოს მთავრობისა და ლანჩხუთის მუნიციპალიტეტის მერიის მხარდაჭერით. კერძოდ ეს პროექტებია:

სანიაღვრე არხები მოეწყო ურუშაძის, მშვიდობის, ცაბაძის, ყაზბეგისა და ბაგრატიონის ქუჩებზე, აღდგენა-რეაბილიტაცია ჩაუტარდა ქალაქის ადმინისტრაციულ ერთეულში შიდა გზებს, მოეწყო გაბიონები.

საკრებულოს წევრმა ისაუბრა ქალაქის ადმინისტრაციულ ერთეულში დაგეგმილ და მიმდინარე ინფრასტრუქტურული პროექტებზე, რომელიც უნდა განხორციელდეს  2019 წელს:  გაერთიანებული წყალმომარაგების კომპანიის მიერ მიმდინარეობს ქალაქის ტექნიკური წყლით მომარაგება, მშვიდობის, ურუშაძის, ბაგრატიონისა და ბარათაშვილის ქუჩის შესახვევებთან, თავისუფლების ქუჩის პირველ შესახვევში, წმ. ნინოსა ბაგრატიონის ქუჩებზე სანიაღვრე არხების მოწყობა;  თავისუფლების ქუჩაზე იგეგმება ი.დუნდუას სახელობის ხელოვნურსაფარიანი მოედნის რეაბილიტაცია, თავისუფლების ქუჩაზე ასფალტის საფარის წერტილოვანი შეკეთება, იგეგმება მდინარე ლაშისღელის კალაპოტის გაწმენდა.

შეხვედრაზე მოსახლეობის მხრიდან დაისვა შემდეგი საკითხები: ყოფილი ინტერნატის მიმდებარე ტერიტორიის მოწესრიგება და ასევე გაბიონის მოწყობა, კანალიზაციის ქსელის მოწყობა,  უპატრონო ძაღლების პრობლემის მოგვარება, რკინიგზის სადგურთან მისასვლელ გზაზე ცხაური მოწყობა.

#გურია2019  #ქალაქილანჩხუთი2019 #წლისანგარიში2018

Share:

კომენტარის დატოვება