საკრებულოს ეკონომიკის ქონების მართვისა და ბუნებრივი რესურსების საკითხთა კომისიის სხდომაზე, ლანჩხუთის მუნიციპალიტეტის ქონების საპრივატიზაციო ობიექტების ნუსხასა და ქონების პრივატიზაციის გეგმაში განსახორციელებელ ცვლილებებზე იმსჯელეს.
სხდომას საკრებულოს თავმჯდომარის ბრძანების შესაბამისად, ალექსანდრე მახათაძე უძღვებოდა.
მერიის ეკონომიკისა და ქონების მართვის სამსახურის უფროსმა გიორგი ნაჭყებიამ აღნიშნა, რომ ლანჩხუთის მუნიციპალიტეტის ქონების საპრივატიზაციო ობიექტების გეგმასა და ნუსხაში შედის ცვლილებები, რომელიც ახალი ობიექტების დამატებას ეხება.
დამატებულია ქ. ლანჩხუთში გორგასლის ქუჩაზე მდებარე ყოფილი საჭადრაკო სკოლა, ურუშაძის ქუჩაზე მდებარე N1 ბინაში თანასაკუთრებაში არსებული 470,00 კვ.მ არასასოფლო-სამეურნეო დანიშნულების მიწის ნაკვეთი და პირველ სართულზე განთავსებული ფართები, ასევე ურუშაძის ჩიხში მდებარე 597,00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობა, სოფელ გვიმბალაურში მდებარე 2715,00 არასასოფლო-სამეურნეო დანიშნულების მიწის ნაკვეთი.
კომისიამ წარმოდგენილ ცვლილებას მხარი დაუჭირა.
