ა(ა) ი.პ ლანჩხუთის მუნიციპლიტეტის კულტურის დაწესებულებათა გაერთიანება შეიქმნა 2015 წელს.
ამჟამად გაერთიანების დაქვემდებარებაშია ლანჩხუთის კულტურის ცენტრში მასში შემავალი აცანის, სუფსის და ჯურუყვეთის განყოფილებები;
ეგნატე ნინოშვილის სახელობის სახალხო თეატრი.
ცენტრალური ბიბლიოთეკა – მასში შემავალი სოფლების: აკეთის, აცანის, ბაღლეფის, ეწერის, მაჩხვარეთის, ნინოშვილის, სუფსის, ღრმაღელის, ჩიბათის, ჩოჩხათის, ლესის, მამათის, ნიგვზიანის, ქვიანის, ჩოლობარგისა და ჭანჭათის ბიბლიოთეკებით;
მუზეუმები:
ეგნატე ნინოშვილის სახელობის მემორიალური მუზეუმი – რომელიც დაარსდა 1948 წელს. მუზეუმში თავმოყრილია 5323 ექსპონატი.
მხარეთმცოდნეობის მუზეუმი – დაარსდა 1978 წელს და მუზეუმში თავმოყრილია 9280 ექსპონატი.
ვალოდია წულაძის სახელობის თეატრისა და კინოს მუზეუმი – დაარსდა 2009 წლის 12 ნოემბერს, მუზეუმში თავმოყრილია 2000 ექსპონატი.
თემურ ფირცხალაიშვილის სახელობის შემოქმედთა მუზეუმი – დაარსდა 2011 წელს, მუზეუმში ინახება 2517 ექსპონატი.
სპორტის მუზეუმი – დაარსდა 2011 წელს, მუზეუმში ინხება 2517 ექსპონატი.
ლნჩხუთში თეატრის ისტორია
თეატრის ისტორია ლანჩხუთში 1937 წლის 28 თებერვლიდან იწყება, როდესაც დაიდგა პირველი სპექტაკლი – ეგნატე ნინოშვილის ნაწარმოებების მიხედვით, ,,ნინოშვილის გურია“. ეს იყო დღე, როცა დაარსდა ლანჩხუთის ეგნატე ნინოშვილის სახელობის სახალხო დრამატული თეატრი. სპექტაკლი დადგა მოწვეულმა რეჟისორმა ვანიკო აბაშიძემ.
1949 წლიდან თეატრის ბაზაზე ამავე შენობაში ფუნქციონირება დაიწყო სარაიონო კულტურის სახლმა და მასთან არსებულმა თეატრმა.
1987 წელს კულტურის სახლში შეიქმნა ფოლკლორის მოყვარულთა გაერთიანება ,,მთიები“.
2007 წელს დაფუძნდა კულტურის ცენტრი და ფოლკლორის მოყვარულთა გაერთიანებამ ფუნქციონირება განაგრძო ფოლკლორის კაბინეტის სახით, სადაც 100-ზე მეტი ეთნოგრაფიული ნივთი ინახება.
კულტურის დაწესებულებათა გაერთიანებაში შემავალი ანსამბლებია:
სიმღერისა და ცეკვის სახალხო ანსამბლი ,,მხედრები“, ქორეოგრაფიული ,,ანსამბლი“ იმედი, ჯურუყვეთის კულტურის განყოფილებასთან არსებული ქორეოგრაფიული ანსამბლი ,,ქართული სული“, ჯურუყვეთის კულტურის განყოფილებასთან არსებული მგალობელთა ტრიო, ანსამბლი ,,ხელხვავი”, ანსამბლი ,,აცაურა“.
