საკრებულოს იურიდიულ საკითხთა და ეთიკის კომისიის სხდომაზე ა(ა)იპ ლანჩხუთის მუნიციპალიტეტის ,,სახელოვნებო სკოლათა გაერთიანების“ 2018-2019 წლებში გაწეული მუშაობის ანგარიში მოისმინეს, რომელიც ა(ა)იპ-ის დირექტორმა ლია ურუშაძემ წარადგინა.
2018 წლიდან ,,კულტურის დაწესებულებათა გაერთიანების“ რეორგანიზაცია-გაყოფის შემდეგ შეიქმნა ა(ა)იპ ლანჩხუთის მუნიციპალიტეტის ,,სახელოვნებო სკოლათა გაერთიანება“. მასში შედის ლანჩხუთის მარიკა ორაგველიძის სახელობის სამუსიკო სკოლა, სუფსის სამუსიკო და ვილი ბარამიძის სახელობის სამხატვრო სკოლა.
ლია ურუშაძემ საანგარიშო პერიოდში განხორციელებულ პროექტებზე და სამუშაოებზე, ასევე სამომავლო გეგმებზეც გაამახვილა ყურადღება. მისი თქმით, 2018 წლიდან დღემდე არაერთი მნიშვნელოვანი ღონისძიება ჩატარდა გაერთიანებაში შემავალ სკოლებში.
ლანჩხუთის და სუფისის სამუსიკო სკოლის მოსწავლეები მონაწილეობდნენ სხვადასხვა ფესტივალსა და კონკურსებში, სადაც წარმატებებს მიაღწიეს. აღსანიშნავია, რომ ქ. თბილისში კლასიკური მუსიკის მე-11 ეროვნული ფესტივალის ,,მომავლის ვარსკვლავების“ შესარჩევ ტურში ლანჩხუთის სამუსიკო სკოლამ მესამედ მიიღო მონაწილეობა და ლაურიატის წოდებაც მიენიჭათ მონაწილეებს. წლებია ასევე წარმატებებს აღწევს ორივე სკოლის მოსწავლეები დასავლეთ საქართველოს ხელოვნების ფესტივალში- ,,სენაკი არტ-ფესტივალი “. ასევე მონაწილეობა მიიღეს სოფელ არჩეულში პირველად გამართულ ფესტივალში- ,,არტ -გენი“.
რაც შეეხება ვ.ბარამიძის სახელობის სამხატვრო სკოლას საანგარიშო პერიოდში 160 მოსწავლე ეუფლებოდა ხატვის ხელოვნებას. სკოლა აქტიურად მონაწილეობს სხვადასხვა ადგილობრივ ღონისძიებებში, კონკურსებსა და ფორუმებში.
ცენტრის დირექტორმა ასევე წარმოადგინა ხარჯთაღრიცხვა. ა(ა)იპ ლანჩხუთის მუნიციპალიტეტის ,,სახელოვნებო სკოლათა გაერთიანების“ დაფინანსება 2018 წლის 1- ელი აპრილიდან შეადგენს 229600 ლარს. აქედან სუფსიდია არის 198600 ლარი, ხოლო ადგილობრივი შემოსავალი სამუსიკო სკოლებიდან (სწავლის ქირა)-31000ლარი.
ლია ურუშაძემ ასევე არსებულ პრობლემებზეც გაამახვილა ყურადღება: გასაუმჯობესებელია სუფსის სამუსიკო სკოლის მატერიალურ-ტექნიკური ბაზა. ვინაიდან შენობა ეკონომიკის სამინისტროს ბალანსზეა, სარემონტო სამუშაოების ჩატარება და ასევე გაზიფიცირება შეუძლებელია. როგორც აღინიშნა, გაგზავნილია წერილი, შენობის გადმოცემასთან დაკავშირებით. ასევე დასვა სამხატვრო სკოლის შენობის პრობლემა, ამოსაწმენდია სკოლის საწვიმარი ღარი, რაც ასევე დამატებით ხარჯს მოითხოვს.
კომისიამ ანგარიში დადებითად შეაფასა და ცნობად მიიღო.
