მძიმე საცხოვრებელ პირობებში მყოფი, სტიქიური მოვლენებისა და უბედური შემთხვევების შედეგად დაზარალებული ოჯახებისთვის ერთჯერადი დახმარების გამცემი კომისიის მორიგი სხდომა გაიმართა, რომელსაც მუნიციპალიტეტის მერი, ალექსანდრე სარიშვილი ხელმძღვანელობს.
კომისიაზე ის განცხადებები განიხილეს, რომლებიც მუნიციპალიტეტის სოციალურ სამსახურში სრულყოფილი დოკუმენტაციის სახით იყო წარმოდგენილი. შესაბამისად, კომისიის გადაწყვეტილებით დახმარება გაეწია 15 ბენეფიციარს, გასაცემმა თანხამ კი საერთო ჯამში 8 900 ლარი შეადგინა.
