ლანჩხუთის მუნიციპალიტეტის საკრებულოს ფრაქცია ,,ქართული ოცნება–კონსერვატორების” სხდომა გაიმართა, სადაც 2020 წლის ბიუჯეტის პროექტზე და პრიორიტეტების დოკუმენტზე იმსჯელეს. ფრაქციამ იმსჯელა და მიზანშეწონილად მიიჩნია, რომ 2020 წლის ბიუჯეტის პროექტი გამოთქმული შენიშვნებით და რეკომენდაციებით დაბრუნდეს მუნიციპალიტეტის მერიას, რათა ამ შენიშვნების გათვალისწინებით მოხდეს ახალი პროექტის წარმოდგენა:
- ბაღებში დასაქმებული პერსონალის შრომის ანაზღაურების მოწესრიგება;
- ,,ბიკარბონატული ჰემოდიალეზით – თირკმლის ქრონიკული უკმარისობით დაავადებულთა სამედიცინო დაწესებულებაში ტრანსპორტირების პროგრამის“ დაფინანსების გაზრდა;
- ა(ა) იპ ,,ლანჩხუთის მუნიციპალიტეტის კეთილმოწყობისა და მომსახურების ცენტრის“ დაფინანსების 50 000 ლარით გაზრდა, ვინაიდან იგეგმება ორი ერთეული ტექნიკის დამატება სამსახურისთვის;
- ყველა რანგის საჯარო მოხელის სახელფასო ფონდის მოწესრიგების საკითხი.
